Contoh Mandok Hata Pasahat Ulos Mula Gabe Singkat, Padat dan Jelas

Ulos mula gabe ini biasanya diberikan di acara 7 bulanan (usia kehamilan 7 bulan). Ulos mula gabe ini diberikan oleh orang tua kepada anaknya perempuan yang saat itu sedang mengandung. Pasahat ulos mula Gabe ini sering juga disebut “Mambosuri”.

Berikut adalah contoh mandok hata pasahat ulos mula gabe singkat, padat dan jelas.

On ma inang, boru hasian dohot di hamu amang hela sipanganon na hupasahat hami on na gabe upa upa di badan muna dohot upa-upa ni tondi muna pasu-pasu ni Amanta pardenggan basai.

Sai saut ma attong jala tulus na sininta ni rohatta dohot na sai tapangido di tangiang ta sian Amanta Debata

Sai dao ma sahit, parmaraan dibahen Tuhan ta i jala sai di pargogoi Tuhanta maho inang marorot na naeng pinasahat ni Tuhan ta tu ho.

Dekke sitio do ginoaran dekke na huupahonon hami on. Asa anggiat tio parnidaanmu tu joloan ni ari on.

Dekke simudur udur do huhut goar na asa sai tontong hamu nian tu joloanon sai denggan mudur-mudur masihaholongan di sude parngoluon muna.

Dekke saur do deba goar na, asa anggiat nian saur hamu rap saur matua, saur dibagasan hahipason

Laos ginoaran do on Dekke sahat asa sahat ma nian sude na uli na denggan sahat panggabean sahat parhorasan di hamu lehonon ni Amanta Debata.

Jadi inang dohot hamu amang sahat ma upa-upa nami tu hamu.

Nuaeng pasahaton ku ma ulos mula gabe on tuho inang dohot tu hamu hela.
On ma na gabe ulos mula gabe diho inang boru hasian, asa mangatur di anak maon mangatur di boru, mangiring dianak mangiring di boru na gabe ulos na uli maon songon simbol tanda ni holong ni roha nami di hamu na.

Tontong di lambung muna do hami marhite tangiang nami tu Amanta Debata.

Sai ulos na gabe mangulosi anak dohot boru maon di hamu. Sai sahat ma attong tibu di pasahat Tuhanta sibasabasai tu hamu asa tibu hamu nian marurat tu toru mabulung tu ginjang.

Sajjokkal urat ni ri, tolu jokkal urat ni sikkoru.
Ulos mula gabe na hupasahat, sai saur mai di hamu mangulosi anak dohot boru.

Sahat saha ni solu, sahat ma tu bontean
Sahat ma hamu leleng mangolu, jala sahat tu panggabean

Botima