Martangiang Bahasa Batak lengkap dengan Contohnya

Martangiang bahasa Batak artinya berdoa untuk memohon kepada Tuhan dengan menggunakan bahasa Batak.

Berdoa bahasa Batak bisa dilakukan dimana saja, tergantung tempat dan kondisi. Contohnya:


1. Martangiang sebelum makan

Mauliate ma di ho Tuhan, rade dipatupa ho sipanganon di jolo nami. Nuaeng laho marsipanganon ma hami, attong pasu-pasu ma sipanganon nami on gabe pasu-pasu tu hahipason ni pamatang nami. Asa margogo hami laho mangula-ulaon nami na marragam i, lumobi mangulahon hombar tu lomo ni roham. Amen.


2. Martangiang sebelum tidur

Mauliate ma di ho Tuhan, tongtong diramoti ho hami dibagasan sadarion, mulai sian nasogot sahat tu bornginon. Nuaeng, laho modom ma hami. Attong dongani jala ramoti hami saleleng modom bornginon sahat tu manogot ni ari dibagasan hahipason. Amen


3. Martangiang sebelum berangkat untuk menempuh perjalanan

Mauliate ma di ho Tuhan, dilehon ho di hami hahipason dohot tikki boi hami mulak tu huta hatubuan hami. Nuaeng, laho borhat ma hami sian Medan tu Pansurnatolu, Pangaribuan. Attong dongani ma hami dipardalanan. Padao hami sian parmaraan dohot kecelakaan, asa boi hami sahat tu huta nami dibagasan hahipason jala boi hami pajumpang dohot keluarga nami na adong dihuta. Amen


4. Martangiang sebelum memulai pelajaran di sekolah

Ale Tuhan, nuaeng laho masuk na ma hami tu Kelas, laho mengikuti proses belajar belajar. Bukka ma roha dohot pikkiran nami, asa boi hujalo hami parsiajaran sian guru nami. Pasu-pasu ma guru nami. Pasu-pasu nang natoras nami na mangula-ulaon na. Amen


5. Martangiang sebelum mengikuti ibadah Minggu di gereja (setelah lonceng berbunyi, pertanda masuk/akan dimulainya ibadah)

Ale Tuhan, bukka ma roha dohot pikkiran-Ku asa boi hu ihutton parmingguon on. Padao ahu sian roha si Bolis asa unang kaluar-masuk au, asa unang Mondok-mondok manang modom, jala orai rohakku asa unang olo au Marhape-hape selama ibadah parmingguon on. Amen


6. Martangiang untuk suami agar mau tampil Berdoa

O Tuhan na basa! Asi jo roham diauon. Bereng jo Tuhan Amangamanghu (Suami). Parbiar jala parila Tuhan nasida. Dang hea olo martangiang jala dang hea olo mambahen tangiang baik di tonga-tonga ni keluarga nami maupun di jolo ni natorop (di depan umum). Sipata tung mansai maila do au Tuhan mamereng akka dongan jolma ala so olo nasida mambahen tangiang. Holan mambahen tangiang laho mangan pe Tuhan, tong dang hea olo nasida.

Lungun rohakku Tuhan. Molo adong ma acara dijabu, ikkon sai au ma namambahen tangiang, ala so mampu dilala nasida.

Tuhan, pargogoi ma au dinalaho mangajari-ajari suamikon, jala bantu ma suami-kon asa olo marsiajar mambaheh tangiang, asa boi tampil nasida di akka acara na marragam i, lumobi ma diacara partangiangan STM nang partangiangan wiyk gereja.

Diboto nasida do Tuhan, dang tung apala na ganjang isi nitangiangi, alai olo nasida hitir-hitir patna dohot tarottokon.

Tuhan, lehon ma tu nasida kepercayaan diri dohot keberanian, asa barani jala boi nasida mambahen tangiang.

Pos situtu do rohakku di ho Tuhan, dang adong naso boi tarpatupa ho.

Mauliate ma di ho Tuhan. Amen


6. Martangiang menjelang acara partangiangan Punguan STM di Rumah

Tuhan, annon sore jam 3 patupaon nami ma partangiangan punguan ni STM nami di jabu nami. Nunga hususun jala nunga huapil (hafal) tangiang na hombar tusi. Asi roham diau Tuhan, di namambahen tangiangi annon au, lehon ma diau kepercayaan diri asa boi au denggan mandokkon tangiangi. Unang loas au annon hitir-hitir jala unang loas grogi au. Ajari au, asa boi au lantang soarakku martangiang annon. Mauliate ma di ho Tuhan. Amen