Contoh Mandok Hata Sian Paranak Setelah Usai Pemberkatan di Gereja


Setelah ibadah pemberkatan (pamasu-masuon) digereja selesai, kemudian lanjut ke sesi mandok hata; dari pihak laki-laki (paranak) dan pihak parboru.

Berikut adalah contoh mandok hata sian paranak dung simpul ibadah pamasu-masuon di gereja.

Syalom!

Horas ma dihita saluhutna.

Jumolo tadok mauliate tu Tuhatta, ala boi do hita maddohoti ulaon pamasu-masuon ni anak dohot boru ni huria ditikkion.

Nahinormatan saluhut Parhalado ni Huria, hupasahat hami mauliate godang tu hamu di saluhut akka ende puji-pujian naung pinasahatmuna di ulaon on.

Suang songoni ma nang tu Amanami Pandita, naung mangappehon pasu-pasu parsaripeon i, sai anggiat ma tutu asi rohani namartua Debata gabe rumahtangga sitiruon nasida tu joloanon, jala gabe rumahtangga na tarpasu-pasu.

Nahuparsangapi hami Amatta Raja dohot Inatta Soripada, Rajani Dongan tubu, Rajani hula-hula, Rajani Boru, suang songoni saluhutna hamu nasoboi hugoari hami ganup marsada-sada.

Hupasahat hami, mauliate godang nami sian hami suhut paranak dina rap hita mangudurhon pamasu-masuon ni anak dohot boruni Huria i.  Tarida do attong holong muna na polin i tuhami ditikkion, asa gomos pangidoan nami, tung tottong ma boan hamu dibagasan tangiang muna asa gabe rumahtanggga sihalomoan nasida tujoloanon dijolotta tarlumobi ma dijoloni Tuhatta.

Songon i ma hata mauliate nami tu hamu saluhutna.

Dung simpul hita sian bagas joroon, asa rap udurma hita tu bagas nami, laho mangan indahan na las, minum aek sitio-tio, dohot juhut na marsaudara. Laos disi ma hita annon manjalo dohot mangalehon Adat hobbar tu Adat Habatahonta i. Laos on ma boa-boa nami tu hamu saluhutna tarlumobi tu saluhut Parhalado dohot Amanami Paddita.

Tung pos dorohanami na sisada tangiang do hita, sai anggiat ma mardalan ulaoni dibagasan holong dohot dame na sian Tuhatta. Jala dapot songon pandohan ni situa-tua:

Napuran sakkababa, Niatup ni boru akkola
Pinitta ni ulaotta sadarion, Sai makkorhon hasangapon jala lasniroha.

Horas.. Horas... Horas...

Itulah contoh mandok hata dari pihak paranak digereja setelah selesai pemberkatan. Usai pihak pengantin laki-laki mandok hata, kemudian disusul mandok hata dari pihak parboru. Contoh mandok hata dari pihak parboru akan di posting di waktu yang akan datang.