Buku Ende No. 69 - Jesus Sai Urupi Hami Lengkap Dengan Lirik dan Musik


Buku Ende HKBP Nomor 69 - Jesus Sai Urupi Hami. BE No 69 - Jesus Sai Urupi Hami ini dilengkapi dengan lirik dan musik instrumen.

1. Jesus sai urupi hami dohot di taon baru on
Paimbaru gogonami mangihuthon Ho tongtong
Pasupasu ma muse na porsea sasude

2. Pingkiranku ulaonku, tau pasangap Ho ma i,
Dungo manang modom ahu Ho tongtong di lambungki;
Nang lao ruar masuk pe, Ho ma donganki muse

3. Taon parasinirohaon baen di au sandok taon on,
Lam pahot ma hasesaan ni dosangku di au on
Holan Ho do Jesuski, tuk pasaehon dosangki

4. Sai apuli ma rohangku dohot holong ni rohaM,
Jala jalo tangiangku ala denggan ni basaM;
Jea sasude padao asa unang marsak au

5. Sai pagomos ma rohangku manundalhon dosa i,
Lam paganda ma ringgashu mangulahon patikMi;
Asa unang rohangkon lalap di portibi on.

6. Sai ramoti au Tuhanku, sipat taon na’mbaru on!
Usung ahu di tanganMu molo suda bohalhon,
Asa las rohangku lao, ia ro panjouM di au.