Buku Ende No. 640 - Haholongan Sian Ginjang Lengkap Dengan Lirik dan Musik


Buku Ende HKBP Nomor 640 - Haholongan Sian Ginjang. BE No 640 - Haholongan Sian Ginjang ini dilengkapi dengan lirik dan musik instrumen.

1
Haholongan sian ginjang las ni roha na hot i
Tumpal ni asi ni roha sai bongoti rohangki,
Jesus na gok asi roha dohot haholongon i
Baen malua baen martua hami natahutan i.
2
Lehon tondi haholongon tu parroha na bojok
Baga-baga hadameon sahat baen tu hami on
Jesus Alpha nang Omega bona ni haporseaon
Sai padao ma angka dosa, sai palua hami on.
3
Sipalua na sun gogo lehon tu au ngoluMi
Ro ma Ho sai marsihohot mangingani joroMi
Asa Ho husomba hami raphon pardisurgo i
Rap mamuji mangoloi, Ho di hasangaponMi.
4
Sai pasingkop tinompaMu, lam pita baen hami on
Haluaon na sumurung lehon ma tu hami on
Boan hami tu na uli di banua ginjang i
Paima Ho pujionnami salelenglelengna i.