Contoh Mandok Hata Pasahat Tintin Marangkup

Tintin marangkup (disebut marakkup) ini diberikan oleh pihak pengantin perempuan (suhut parboru) kepada Tulang pengantin laki-laki sijalo tintin marangkup.

Berikut adalah contoh mandok hata pasahat tintin marangkup tu tulang ni anak ni suhut paranak sijalo tintin marangkup

1. Contoh mandok hata pasahat tintin marangkup dengan Umpasa/Umpama

Horas ma jala gabe, gabe ma jala horas

Mauliate ma di Tuhan, mauliate ma nang di hita saluhutna.

Di hamuna haha parhundul nami Raja...
Hata ni natua tua mandok
Tabo boras ni salak, angur boras ni pinasa
Hamu ma attong tulang ni anak ni paranak, hami ma na gabe hula hula.

Dangka ni hau dulang, binahen panjomuran ni rere
Sai hot do i boru ni tulang, tung boru ni ise pe i dialap bere

Marhite sian i ma  rajanami ro hami mandapothon hamu na tulang ni hela nami, ima beremuna, pasahathon sinamot ni borutta naung hujalo hami hombar tu hata na mandok
Tubu ma singkoru jonok tu simarlasuna
Molo nunga ni jalo tuhor ni boru ikkon pasahaton ma attong jambar ni haha parhundul niba

Attong rajanami di sinamot ni borutta na godangi asa rap makkalasson jala marsaulihon ma hita

Asa on pe 
Tintin ma tinopa, Golang-golang pangarahutna. 
Otik sosadia pe sinamot ni borutta naboi hupasahat hami sai godang ma pinasuna

Bagot do namarhalto, dolok do namarrobean. Horas ma hamu namanjalo, Horas ma hami namangalean.

2. Contoh mandok hata pasahat tintin marangkup Singkat, Padat dan Jelas

Mauliate ma di Tuhan, mauliate ma nang di hita saluhutna.

Di hamuna haha parhundul nami Raja...
Hamu ma attong tulang ni anak ni paranak, hami ma na gabe hula hula.

Rajanami, ro hami mandapothon hamu na tulang ni hela nami, ima beremuna, pasahathon sinamot ni borutta naung hujalo hami.

Attong rajanami, di sinamot ni borutta na godangi asa rap makkalasson jala marsaulihon ma hita.

Horas ma hamu namanjalo, Horas ma hami namangalean.